Загадчык                 
                                Алексяевіч Наталля Мікалаеўна

      Ажыццяўляе кіраўніцтва дзейнасцю ўстановы дашкольнай адукацыі на аснове 
заканадаўчых і нарматыўных актаў.
      У адпаведнасці са штатным раскладам падбірае, прымае на працу супрацоўнікаў 
установы дашкольнай адукацыі. Прымае меры па паляпшэнні ўмоў жыцця і выхавання 
дзяцей, вырашэнні пытанняў, звязаных з сацыяльным развіццём установы, яе 
педагагічнай, фінансавай, арганізацыйна-гаспадарчай дзейнасцю.

                       Намеснік загадчыка па асноўнай дзейнасці
                                     Кавенькіна Наталля Іванаўна
     Аналізуе стан метадычнай работы і адукацыйнага працэсу, распрацоўвае прапановы 
і рэкамендацыі па павышэнні іх эфектыўнасці. Аказвае неабходную кансультатыўную 
дапамогу педагагічным работнікам у ажыццяўленні іх дзейнасці, практычным 
выкарыстанні форм і метадаў выхавання і навучання. Вядзе ўсталяваную планавальную 
і справаздачную дакументацыю. Арганізуе асветніцкую працу для бацькоў.

                                                  Педагог-псіхолаг
                                      Бандалетава Ірына Мікалаеўна

      Ажыццяўляе прафесійную дзейнасць, накіраваную на захаванне псіхічнага і 
сацыяльнага дабрабыту выхаванцаў. Аказвае дапамогу дзецям, бацькам, калектыву 
ўстановы дашкольнай адукацыі ў вырашэнні канкрэтных праблем. Вызначае ступень 
праблем дзіцяці, праводзіць псіхолага-педагагічную карэкцыю. Садзейнічае ахове 
правоў асобы ў адпаведнасці з нарматыўнымі прававымі актамі Рэспублікі Беларусь.

                                          Музычныя кіраўнікі
                                Цярэшчанка Аксана Мікалаеўна
                                  Арэхава Кацярына Ігараўна

      Арганізуюць і ажыццяўляюць педагагічную дзейнасць пры рэалізацыі адукацыйных
 праграм дашкольнай адукацыі, праграм выхавання з навучэнцамі ў частцы эстэтычнай 
і музычнай адукацыі. Развіваюць музычныя здольнасці навучэнцаў з улікам іх 
індывідуальнасці, схільнасці да пэўных відаў музычнай дзейнасці, далучаюць іх да 
нацыянальнай культуры, яе традыцый, а таксама да культуры і традыцый іншых 
народаў, якія пражываюць на тэрыторыі Рэспублікі Беларусь. Ствараюць спрыяльныя 
ўмовы для развіцця дзіцячай творчасці.

                                      Настаўнікі-дэфектолагі
                                     Ханяк Ала Віктараўна
                                Будзёная Вольга Сяргееўна
                         Данільчанка Кацярына Мікалаеўна

       Выяўляюць дзяцей з парушэннямі ў развіцці, праводзяць іх паглыбленае 
абследаванне з мэтай вызначэння структурна-функцыянальнага парушэння. Рэкамендуюць
 аптымальныя ўмовы навучання і выхавання дзяцей з асаблівасцямі псіхафізічнага 
развіцця, ствараюць банк даных, прасочваюць развіццё кожнага дзіцяці. Праводзяць 
групавыя і індывідуальныя заняткі па выпраўленні адхіленняў у развіцці гаворкі. 
Вядуць сістэматычную работу з бацькамі, далучаючы іх да вырашэння рэабілітацыйных 
карэкцыйна-педагагічных задач навучання і выхавання дзяцей.

                                  Кіраўнікі фізічнага выхавання
                                  Манькоў Уладзімір Аляксеевіч 
                                   Рафальская Ірына Віктараўна
                                    Майсеенка Ніна Міхайлаўна

      Праводзяць навучальныя заняткі ў адпаведнасці з вучэбнай праграмай і з 
улікам узроставых асаблівасцей дзяцей і ўзроставага складу групы. Арганізуюць 
папярэднюю работу з бацькамі па падрыхтоўцы дзяцей да заняткаў. Аказваюць дзецям 
дапамогу пры выкананні практыкаванняў, прывучаюць іх да строгага выканання 
патрабаванняў гігіены.

                                   Выхавальнікі дашкольнай адукацыі

      Плануюць, арганізуюць і праводзяць выхаваўчую, адукацыйную і аздараўленчую 
работу, накіраваную на рознабаковае развіццё асобы дзіцяці ў адпаведнасці з яго 
ўзроставымі і індывідуальнымі магчымасцямі, здольнасцямі і патрэбнасцямі. 
Ажыццяўляюць дыферэнцыраваны падыход у рабоце з дзецьмі, у тым ліку з 
асаблівасцямі псіхафізічнага развіцця, фарміруюць іх маральныя нормы, самаацэнку, 
міжасобасныя адносіны, набыццё імі сацыяльнага вопыту. Спрыяюць стварэнню ў групе 
добразычлівага, спрыяльнага мікраклімату для праяўлення творчых здольнасцей 
выхаванцаў.